Qasigiannguani innuttaasunut tamanut ammasumik aggersaasimanitsinnut takkuttunut tamanut kiisalu pikkorissaanitsinnut peqataasimasunut qujavugut.
Ataani suut sammineqarsimanersut atuarsinnaavatit:
Nunami sumiiffinni ’’Zonenut’’ immikkoortiterinerit pillugit tusarniaaneq
18. februar unnukkut 19:30 Qasigiannguit katersortarfiani pivoq.
Aallaqqaasiillugu Qeqertalik Business Council suliaminik saqqummiussivoq kingornalu onlinekkut Borgmester Ane Hansen tikilluaqqusereermat Salik Hard Inuussutissarsiornermut, Niuernermut, Aatsitassanut, Inatsisit Atuutsinneqarnerannut, Naligiissitaanermullu Naalakkersuisoqarfimmi siunnersortip nunami sumiiffinni ’’zonenut’’ immikkoortiterineq nassuiarpaa qanorlu immikkoortiterineq atuuffilersorneqarsinnaanersoq saqqummiussilluni.
Kingorna peqataasut nunap assinga atorlugu Qasigiannguit eqqaani, nunat sumiiffii sorliit takornarissanut illersorneqassanersut, piffiillu ilaanni nunaqavissumik ilisimasortaqaqqaarluni angalasoqartarnissaanut piumasaqaateqartoqalissasoq eqqartorneqareerlutik allattorneqarput pissarsiffiulluaqisumik.
Takornarissanut kaffellertarneq pillugu eqqartueqatigiinneq
20. februar unnukkut nalunaaqutaq 19:00 kommunep ataatsimiittarfiani pivoq.
Angerlarsimaffimmi takornarissanut kaffellertareersuniit soqutiginnittuniillu ilisimasanik, iluatsissimasunik aammalu siunissami aaqqitassanik eqqartueqatigiittoqarpoq.
Unnuup ingerlanerani Destination Diskobay takornarissanut kaffellertarneq qanoq tuniniarneqarsinnaanersoq aammalu kaffellernermi periutsit assigiinngitsut sammineqarsinnaasut saqqummiullugillu nassuiaateqarfigaat.
Oqallinneq uummaarittumik tingulluarneqarlunilu aaqqitassanik aaqqiissuteqarfiulluni ingerlanneqarpoq.
Ataavartumik piujuaannartitsinermi pikkorissaaneq
20. februar ingerlanneqarpoq.
Pikkorissartut nunarsuaq tamakkerlugu piujuaannartitsinermi anguniakkat, taaguutit assigiinngitsut paasisaqarfigaat qanorlu suliffeqarfiit piujuaannartitsineq pillugu suliniuteqarnerminni ersersitsisarnersut takusinnaalerlugu.
Pisuni tamani peqataasut uummaarittumik oqallipput aammalu sakkussanik atorsinnaasaminnik pissarsitinneqarlutik.
