Uagut
Qanoq ikiorsiisarpugut?
Sutigut tamatigut suliffeqarfippit inerisarnissaanut, illuatungeriilluta siunnersueqatigiinnissaq neqeroorutigisinnaavarput.
Aatsaat aallarnisaasuuguit, suliffeqarfiuteqareeruit, ingerlallualereeraluaruilluunniit.
Forretningsplaniliornimik, aningaasatigut missingersuusiornissamut, suliffeqarfiup ilusilersornissaanulluunniit ikiorsinnaavatsigit.
Siunnersuineq
Inuussutissarsiutitigut Siunnersuisoqarfik suliffeqarfimmik pilersitsinissannut toqqaannartumik aningaasaliisinnaassuseqarnanilu atukkiisinnaatitaanngilaq.
Kisiannili siunnersorsinnaavatsigit oqaluttuullutillu periarfissat allat suunersut.
Ilaatigut Innovation Greenland aqqutingalugu ikiorsiissutinik taperneqarsinnaavutit, taakkununnga toqqaannartumik suleqateqarnikkut imaluunniit uagut aqqutingaluta immersuinikkut.
Aningaasalersorneqarnissamut periarfissat annertunerusumik una toorlugu atuakkit.
Nioqqutissianik inerisaaneq
Nioqqutissianik inerisaanissamik ilisimasaqarluarpugut, isumassarsialatsiaqaruillu nioqqutissatut tunisassiassaqqittunngortissinnaallutigu.
Tamannalu kiffartuussissussummik nioqqutassiamilluunniit inerisaanerungaluarpat aamma atuulluni.
Suleqatigiinneq
Qeqertalik Business Councilimi nunatsinni nunanilu tamalaani kattunnikkut suleqatigiiffiusut arlallit peqataaffigaavut, ilaatigut tassaasut Trade Council kiisalu DTTT.
Saniatiguttaaq Sulisitsisut immikkoortortaqarfii qanimut suleqatingaagut, Qeqertalimmi aqqummik ataatsimoorussamik siunniussaqarnissaq siunertaralugu.
Pikkorissaanerit workshoppillu
Aallarnisaasunut pikkorissartitsinernik workshoppinillu tulluartunik neqeroorusiortarpugut, forretningsplaniliornissamuuppat, aningaasatigut missigersuuiorneruppat imaluunniit qinnuteqaasiornerungaluarpat. ¨
Minnerunngitsumillu suliffeqarfinnut pioreersunut piginnaanngorsaanissaq anguniarlugu pikkorissartitsinernik suliaqartarpugut.
Illit suliffeqarfinnut tulluarsakkamik immikkut ittumik pikkorissaanermik ingerlataqarsinnaanissaq aamma periarfissaavoq. (naak ilaatigut akiliuteqalaartoqarsinnaasaraluatoq, sullitaq imaluunniit pikkorissaaneq qanoq ittuunersoq apeqqutaalluni)
Qeqertalik Business Council A/S kommunemit pilersinneqarnikuuvoq, inuussitissarsiuteqartunut, takornariaqarnermut nutaaliornernullu ataqatigiisitsisussatut inissitaalluni.
Anguniagassatut takorluugaq
Inuussutissarsiuteqarnermut eqeersimaartumut, aallarnisaarusussuseqarnermut patajaatsumut uummaarissumillu takornarialerisoqarnermut aallarnisaasuuvugut.
Anguniagaq
Inuussutissarsiutitigut siunnersuisarfik Qeqertalimmi inuussutissarsiuteqarnermut nukittorsaanissamik piujujuaannartitsinissamillu anguniagaqarluni illersuisoorusuppoq, siunnersuisassaaq aallarnissaaqartaasarlunilu, aallarnisaasunik suliffeqarfinnillu pioreersunik suleqateqarnermigut, kommuneqarfik tamakkerlugu ineriartortitseqataaffigalugu annertusiartortitseqataaffigissavaa, kiisalu suliffeqarfinnik pilersitsiortoqataaffigissallugu.
Takornarialerineq nukittorsarusupparput, suliffeqarfittut piginnaasassanik aallerfissanngorlugu, kiisalu inuiaqatigiinnut takornarissanullu iluaqutaasussanngorlugu, taamaasiornikkullu nunap immikkoortuata najungaqarfissaqqittutut, suliffeqarfimmik ingerlatsilluarfiunissaa aammalu takornarissanut tikeraangassaqqittutut isigineqarnerulersinnissa anguniarlugu.
Naammasserusutat
Aallarnisaasunik siunnersuisarpugut, aningaasalersorneqarnissamik periarfissanik aqqutissiuussisarpugut kiisalu piujuaannartussamik inuussutissarsiuteqarneq siuarsaavigalutigu – Immikkoortortaqarfitta takornarissanit nalorninaatsumik pisariitsumillu toqqarneqarsinnaanissaa Explore the Golden Bay of Greenlandimik taaguuserlugu anguniangaraarput.
Periusissami Ukkatassat
2024-miit 2027 naallugu ukkatassat
Nunap immikkoortuani immikkut qaffasissumik siunnersuisooqatigiiuvugut aammalu amerlanerusut aallarnisaanermik misilittaanissaannut isumassarsiortarfiulluta. Nunatta immikkoortuani matumani aallarnisaasut ukkataraagut, kinguaariit aallarnisaasut tulliuttut ilanngullugit. Iliuusissagut minnerpaamik ukuussapput:
- Siunnersuineq assigiissagaq naqitaq
- Sulisunik ataavartumik pikkorissaaneq
- Sullissinitsinnik ataavartumik nalilersuinerit
- Siunnersuisooqatigiit sakkuisa ataavartumik piorsarnissaat
- Kinguaariit tulliuttut isumassarsiortinnissaat
- Aallarnisarnerup ajornaannerusup sulissutiginissaa
Suliffeqarfiit aallarnisartullu qanoq suminngaanniillu aningaasaliiffigineqartarneri ilisimavagut, aammalu suliffeqarfiup, suliniutip isumassarsialluunniit aningaasaliiffigineqarnissaa peqataaffigisarlutigu. Aallarnisartoq atukkiisinnaasumut eqqortumut, aningaasaateqarfimmut eqqortumut imaluunniit suleqatigiiffimmut eqqortumut atassuteqartilertarparput, aallarnisartup aningaasalersorneqartarnera eqqarsaatigalugu. Iliuutsigut minnerpaamik ukuussapput:
- Pilersaarusiummik suliaqartarneq
- Suliniutip missingersuusiornissaa
- Aningaasaliisoqarsinnaaneranik periarfissarsiuussineq
- Sinaakkutissatut isumaqatigiissutit
- Suliniummut pingaarnermut aningaasaliisussarsiorneq
- Suliassat ingerlanneqartarneri naqitat
- Uppernarsaatit uuttuutillu
Aallarnisartunut suliffeqarfimmik aallartitsineq ajornannginneruleqqullugu ornitassagut inerisarpagut, nunap immikkoortua sumiiffigisarput takornarissanik tikillugu misigisaqarfigilluaqqullutigu. Aaqqissugassaninngaanniik, tikikkuminarsaanerup qaffassarnissaanut suleqatissarsiornissarlu eqqarsaatigalugu pisariusartoq ilisimavarput. Iliuutsigut minnerpaamik ukuussapput:
- Takornariarfiusartunik inerisaaneq
- Nittarsaaneq
- Tikikkuminarsaaneq
- Aallarnisaaneq
- Ineriartornissamut, ilikkarnissamut aalajangiisinnaassusermullu nammineq akisussaaneq
- Unnuiffiiusinnaasut
- Sammisanut aalajangersimaqqinnaartunut takornariaqarneq nunalu eqqissisimatitaq
- Suleqateqarnerit
- Isumannaallisaaneq
- Ilisarnaasersuinerit
- Tuniniaaviit
Iliuutsigut tamaasa piujuartitsinerup sunnigarai. Piujuaannartitsineq pillugu siunnersuisarpugut, inuussutissarsiuteqarnikkullu piginnaasanik piorsaanitsinni iliuuserisagut aamma piujuartitsinerup aqqani pilersittarpagut. Immikkullu piujuartitsilluni inuussutissarsiuteqarneq, piujuartitsilluni takornariaqarneq, illoqarfiit pinngortitarlu eqqiluitsut ukkataraagut. Iliuutsigut minnerpaamik ukuussapput:
- Ilisimasanik piorsaaneq
- Avatangiisitsinni piumasaqaatinut naatsorsuutinullu malinnaaneq
- Piujuartitsineq pillugu siunnersuineq
- Illoqarfik minguitsoq, pinngortitaq minguitsoq
- Piujuartitsinissamik eqqarsartaaseqarluta
Nammineerluta Piujuartitsiniarnigut
Qeqertalik Business Counsil-imi Destination Diskobay suleqatigalugu piujuartitsineq pillugu suliuarpugut, soorlulusooq Piujuartitsilluni Ineriartortitsinermi FN-nip Nunarsuarmi Anguniagai arlariit tunaartaralugit suliavut ingerlakkivut. Tamanna inuiaqatigiinni suliaqarnermi pigaartutilittut isigaarput, Qeqertarsuup tunuani suliavut inerisaanivullu piujuartitsinermut attuumassuteqarlutik qulakkeerinneqataanissaat. Tamanna ilutsinni eqqartukkajuttarparput, soorlu takornariaqarnikkut inuussutissalerinikkullu suleqatigisatsinni piujuartitsineq pillugu sammisassaqartitsinerit – taamaasilluta iliuuseqarfigisarpavut, takusinnaagaangatsigut inuiaqatigiit iluanni suliaqarnitsinni nutaanik periarfissaqartitsisoq.
Namminerisamik pilersaarutivut, periusissiatullu pilersaarutivut Nunarsuarmi Anguniakkat ataani allassimasut ukuupput.
Nunarsuarmi anguniagaq 4: Qaffasissumik ilinniagaqarneq
- Inuussutissarsiornermik Siunnersuisoqatigiit ataavartumik niunernermi, aallarnisarnermi il pikkorissaanernik ingerlatsisarput, tamatumani pitsaassutsimik inerisaanissaq Qeqertalimmi innuttaasunut suliffeqarfinnillu ingerlatsisunut qulakkeerniarlugu.
- Inuussutissarsiornermik Siunnersuisoqatigiit ataavartumik suliffimmik misiliisumik sulisitsisarput, Kalaallit Nunaannilu nunanilu allani ilinniartoqarfinnut suliffeqarfimmut naleqquttunik isumaqatigiisuteqartarlutik, ineriartorneq ilinniagaqarnerlu kinguaariit tulliuttunut qulakkeerniarlugu – aamattaaq niuernermi takornariaqarnermilu ilisimasat nutaat aaqqissuussaanitsinnut iluaqutissatut qulakkeerniarlugu.
- Taamatuttaaq suliffeqarfipput meeqqat atuarfianni ilinniagaqalerusunnerup annertusarnissaanut suliniumut peqataasarpoq, siunertaralugu meeqqat suliaqarfitta iluani ilinniagaqalernissaat.
- Inuussutissarsiornermik siunnersuisoqatigiinni sulisutsinnut ilinniagaqarneq kiisalu pkkorissarnerit aningaasaliissutigaavut.
Nunarsuarmi anguniagaq 8: Suliffiit patajaatsut, aningaasaqarnikkullu ineriartorneq
- Aallarnisaasunut piginnaasanik inerisaanermik pikkorissarnissanik neqooruteqartarpugut ass.
- Ukiup nikinneri aallaavigalugit, takornariaqarnikkut sammisassanik aaqqissuussinerit ingerlattarpagut, ilaatigut illoqarfinnik pilersaarusiornerit, niuernermut pilersaarutit piffimmi takornarialerisut suleqatiginerisigut ingerlanneqartarlutik.
- Kommuuni inuussutissarsiornermik suliallit peqatigalugit qaam,atit pingasukkaarlugit naapittarpugu, siammasinnerusunik inerisaaneq, periarfissallu sinaakkuserumallugit.
- Kommuunip iluani takornariaqarnikkut akuersissutit agguaanneqarnissaanut siunnersuinerit.
Nunarsuarmi anguniagaq 9: Nioqqutissiorneq, inerisaaneq og nunap ataqatigiinneranik attaveqarfiit
- Nunap ataqatigiinneranik attaveqarfinnik erseqqissaanerit kiisalu pitsanngorsaanerit kommuunip inoqarfianni, tamanna allagartalersuinikkut ingerlanneqarpoq il.il.
- Illoqarfimmi pisuttuarfissiat assilinerisa nutarterneri inerisarneqarnerilu. Matumanittaaq inerisarneqarpoq kangerluit nunap assiga atorlungu nalunaarsorneqarnerat. Tamanna ataatsimut imminut nammassinnaasumik kiisalu isumannaannerusumik kangerluit takornarissanik angallavigineqarsinnaanerat qulakkeerneqarpoq.
- Avannaata Kommuunia suleqatiginerasigut minnerusumik nunap ataqatigiinneranik attaveqaatinik aaqqissuineq ingerlanneqarpoq, tamanna Ilulissani mittarfissuup naammassinissaanut attuumassuteqarpoq
- Qarasaasiatigut atortorissaarutit takornariaqarnerup iluani nutarterinerit, matumani QR-kode allagartat, nunap immikkoortuini digitaliusukkut nioqqutit allattorsimaffii kiisalu digitaalikkut niuernermi piginnaasanik inerisaanerit.
- PDAC-messe aqqutigalungu aatsitassarsiornikkut suliaqartunik suleqatissarsiorneq.
Nunarsuarmi anguniagaq 11: Illoqarfiit piujuartitsisut aamma innuttaasut
- Periusissiatut pilersaarutitta ilaanni allassimasoq malillugu kommuni suleqatigalungu eqqagassalerineq sulqataaffigaarput, matumani innussaasunik suliffeqarfinnillu peqataatitsineq siunertaralugu – tamanna ukiumut illoqarfimmik saleersuaaqatigiineq Saligaatsoq aqqutigalungu pisarpoq.
- Inuussutissarsiornermik ingerlataqartunut siunnersuinerit ingerlattarpagut matumani piujuartitsineq eqqarsaatigalugu nioqqutissanik niuerneq kiisalu tingussaasunngortitsinerit. Sulisunik CSR iluani piginnaasanik inerisaaneq.
- Sumiiffinni peqatigiiffiit suleqatigaavut, soorluttaaq nammineerluta peqatigiiffinnut arlariinnut peqataasarpugut.
Nunarsuarmi anguniagaq 13: Silaannaap allanngoriartorneranut suliniutit
- Takornarissanut sullissisunik piujuartitsinermut allagartaqarfiusinnaasunik ujartuinissannik siunnersuinerit ass. Den Grønne Nøgle taamatuttaaq CO2-mik atuinermik annikillisaanissamut siunnersuinerit.
- Piujuartitsinermik ineriartortitsineq anguniarlugu community specific guidelines-inik, umiarsuit takornariartaatsit AECO suleqatigalungu inerisaanerit.
- Innuttaasut nunarsuup kissakkiartorneranut innuttaasut iliuuseqaqataasinnaaneranik annertusisamik ukkataralugu oqariartorneq. Nuna – avatatiigillu minguitsut qulequtaralugit Story telling aamma suliarineqarpoq.
Nunarsuarmi anguniagaq 17: Iliuuseqaqatigiinnermut suleqatigiinnerit
- Nunap immikkoortuani assigiinngitsut, nunallu inuussutissarsiornermik takornariaqarnermillu inerisaasnerit, suliffeqarfissuit, komuunit, DMO il suleqatigiinnissamik isumaqatigiissusiornerit
- Ilisimasanik katersineq, kiisalu piginnaasanik inerisaaneq eqqarsaatigalugu Ilinniartoqarfinnik – ilisimatusarfinnillui suleqateqarfissamik pilersitsineq.
- Avammut tunisineq ineriartornerlu annertusisamik ukkataralugit.
Qeqertalik Business Councilimi allattoqarfik
Gerth P. Olsen
Navarana Bidstrup
Atorfik inuttaqanngitsoq
- Adresse: Niels Egedep aqq. 6, 3950 Aasiaat
- Oqarasuaat: (+299) 55 82 82
- E-Mail: info@qbc.gl
Aallartisarnissamut imaluunniit suliffeqarfippit ineriartornissaanut siunnersungassaanguit attavigitigut.
Aningaasaliisarnermut politikki (Sponsorpolitik)
Qeqertalik Business Council & Destination Diskobay A/S-imi suliniutit Nunarsuarmioqatigiit anguniagaasa ataanni suliniutitsinnut assingusut tapersersortarpagut, nunattami immikkoortuani najukkatsinni inuussutissarsiuteqarnikkut takornarialerinikkullu ineriartornerup piujuaannartitsiffiusumik ineriartorfiunissaa suliatta qulakkeerinneqataaffigissavaat.
Namminerisamik pilersaarutivut, periusissiatullu pilersaarutivut Nunarsuarmi Anguniakkat ataani allassimasut ukuupput.
Nunarsuarmi anguniagaq 4: Qaffasissumik ilinniagaqarneq
Nunarsuarmi anguniagaq 8: Suliffiit patajaatsut, aningaasaqarnikkullu ineriartorneq
Nunarsuarmi anguniagaq 9: Nioqqutissiorneq, inerisaaneq og nunap ataqatigiinneranik attaveqarfiit
Nunarsuarmi anguniagaq 11: Illoqarfiit piujuartitsisut aamma innuttaasut
Nunarsuarmi anguniagaq 13: Silaannaap allanngoriartorneranut suliniutit
Nunarsuarmi anguniagaq 17: Iliuuseqaqatigiinnermut suleqatigiinnerit
Nunatta immikkoortuani najukkatsinni inuussutissarsiuteqarnikkut takornariaqarnikkullu ineriartornerup piujuaannartitsiffiusumik ineriartortinnissaa qulakkeerinneqataaffigisinnaagutsigu, taava nunatta immikkoortuani najukkatsinni innuttaasunut iluaqutaanissaa upperaarput.
Inuiaqatigiinnilu akisussaassuseqaqataanerput pillugu suliniarnitsinni pimoorussinerput politikkimi matumani ersersinneqarpoq.
Nutaaliorneq tikikkuminassuserlu: Suliniutit innuttaasunik tamanik meeraaneri utoqqaaneriluunniit apeqqutaatinnagit peqataatitsiviusut, nutaaliorluni aaqqiissutinik/sammisassaqartitsinernik nunatta immikkoortortaani inuussutissarsiuteqarnikkut takornariaqarnikkullu periarfissaanik nittarsaassiffiusut, tapersersortarpagut.
Taamaaliortarpugullu aningaasanik annikitsumik tapiissuteqarnitsigut ilisarnaatitsinnillu assiliartalinnik agguaattakkanik tunisisarnitsigut.
Aaqqissuussat aammalu peqqinneq: Aaqqissuussinerit anginerusut tamanik najugaqavissunik takornarissanillu peqataatitsiviusut orninneqarnissatsinnullu pilerinartunngortitsisartut tapersersortarpagut.
Kikkut tamarmik assigiimmik pineqarnissaat qulakkeerniarlugu, peqatigiiffiit nunatta immikkoortuani najugaqartut sumiiffimmi aaqqissuussaannut ukiumut ataasiarluta tapersersorsinnaavagut.
Qinnuteqarneq
Aningaasaliiffigitinniarluni tunissuteqarfigineqarniarluniluunniit qinnuteqarnermi paasissutissat uku piumassavagut:
– Peqatigiiffiup, suliffeqarfiup aaqqissuussisulluunniit aqqa
– CVR-normu aningaaseriviullu normua
– Peqatigiiffimmi/suliffeqarfimmi akisussaasup atia
– Qinnuteqarnerup siunertaa iliuuseriniakkallu nassuiaataat
– Siunissamut iliuuseriniakkanut assingusunut pilersaarutit
– suleqatigiumaagassat ilanngullugit
Siumoortumik aningaasaliinissamut tunissuteqarnissamulluunniit immitsinnut pisussaaffilersinnaanngilagut.
Sinaakkusiussat iluanni aningaasassaqartitatsinnut inuiaqatigiinnilu sumiiffitsinni suliffigisatsinni siammasissumik
tunissuteqarlutalu aningaasalersuisarpugut, taamaattumillu suliniutit ataasiakkaarlugit
nalilersortarpagut.
Qinnuteqaat paasissutissallu qinnuteqarnermut tunngasut uunga nassiunneqassapput: info@qbc.gl
Qeqertalik Business Councilimi siulersuisuunerit
Hanne Kristiansen
Julia Pars
Hans-Jørgen Mørch
Søren Hansen
Kristian Lyberth
