London, Kensington, United Kingdom 

Destination Diskobay immikkoortortaqarfitsinni takornariaqarnerup piorsarneqarnissaanik suliniuteqartup 5 Countries Workshop februaarip ulluisa 8-taani London, tuluit nunaanni ingerlanneqartumi peqataaffigalugu Qeqertalik nittarsaappaa.  

Aaqqissuussaq una agentinik misilittagassarsiorluni angalanernik pisisartunik tuniniaaqqittartunillu Island-, Estland-, Finland-, Savalimmiut-, Kalaallit Nunaanniit aammalu suleqatigisaaniillu najuuffigineqarluarpoq.  

Takornarialerisoqartitsisorput agentinik arlaninnik oqaloqateqarpoq, ilaatigut Kong Kongimiit, Malaysia, Finland, Island, Thailand, United Kingdom, Estland, Italien aammalu Indiamiit qanimut immikkoortortaqarfipput pillugu kiisalu Qeqertalimmi susassaqartitsisartut neqerorutaat paasisaqarfiginerorusussimavaat.  

“5 Countries Workshopimut timitalerlugu peqataanerput nunat tamalaaniit qanimut suleqateqalernissatsinnut periarfissiilluarpoq. Tamanna immikkoortortaqarfitsinni takornarialerisutsinnut periarfissiilluarumaarportaaq. Qularineqassanngilaq Kalaallit Nunarput orninneqartariaqavissortutut, minnerunngitsumillu misilittagassarsiorluni pingaarutilittut angalaffissaqqissutut isigineqarmat. Agentit oqaluussamma arlallit oqariartuutigaat, pisisartuisa kissaataat tunngavingalugit nunatsinnut nioqqutissaataasut amerlisinnissaat kissaatigineqartoq. Nunatsinni takornariaqarnerup annertusarnissaa eqqarsaatingalugu, nunarsuarmioqatitta soqutiginninnerat atorluassuarput piumasaqaataallu angalalluartussanngorlugit timitalernissaanut pivisunngortitsilluta” taama oqarpoq Destination Manageri Linda Kleist.