Siunnersuisoqarfik, Qeqertalik Business Council piuvoq, Kommune Qeqertalimmi aallarnisarusullutik piukkoortunut siunnersuissalluni.
Eqqarsaatersuuteqarpit cafémik, pisiniarfimmik imaluunniit sullivimmik pilersitsissallutit, qanorlu eqqarsaatitit tulleriiaassanerlugit nalulerlugu? Nittartagarput qbc.gl siulliullugu alakkarsinnaavat periarfissatillu qimerloorlugit, imaluunniit toqqaannaq isummersueqatingerusukkutigut mailikkut oqarasuaatikkulluunniit saaffingaluta, siunnersorneqarnissamut isumaqatigiissusiorsinnaavutit.
Aningaasanik toqqaannaq tapiisinnaanngikkaluarluta, qinnuteqaasiorfissanik periarfissanik allanik tikkuartuussinnaavatsigit. Amerlasuut ilisimanngilaat sumi qanorlu periarfissaqarnerlutik, soorlu Innovation Greenland aqqutingalugu, nuna tamakkerlugu inuussutissarsiuteqarnermik siuarsaaqataanissamik suliniuteqartussatut pilersitaq. Taakkua aqqutingalugit assigiinngitsutigut siuarsaaqataanissamut taperneqarnissamik qinnuteqaasiorsinnaavutit.
Kittartakkatigut tapiutit
Suliffeqarfissannik pilersitsiniarninni inatsisitigut allatigulluunniit siunnersuisussanik pisariaqartitsiguit kittartakkatigut tapiutissanik qinnuteqarsinnaavutit, taakkunanngalu annerpaamik 25.000 koruuninik taperneqarsinnaallutit.
Ineriartortitsinermut tapiutit
Tunisassianik ineriartortitsinermut tapiutit pilersitsinermi ineriartortitsinermiluunniit tunisassianik kiffartuussissutinillu pissarsiniarnermut atorneqarsinnaapput, taakkunanngalu annerpaamik 300.000 koruuninik projektikkaartumik taperneqarsinnaallutit.
Qinnuteqaatit amerlagisassaanngitsut
Kommune Qeqertalimmi aallarnisaasut 2021 ukiup affaani siullermi, Innovation Greenland aqqutingalugu taperneqarnissamut qinnuteqaateqarsimasut marluinnaasimapput, taakkualu qinnuteqaataat akuerineqarlutik katillugit 153.286 koruuninik taperneqarsimapput. Tassanilu erserpoq, qinnuteqarsinnaanerup piunerinik kommune tamakkerlugu ilisimanninneq annertusarneqartariaqartoq, taamaasillunilu amerlanerusut aallarnisaanerminni ikiorserneqarnissamut tapiutit iluaqutiginerulersinnaaniassammatigit.
Attavissaq
Gerth P. Olsen
Mobil 558282