Kommune Qeqertalimmi innuttaasut arfineq marloraarterutaat nunaqarfinni najugaqarput. Taamaattumik inuussutissarsiutitigut siunnersuisoqarfik kiisalu takornariaqarnermut aqutsisoqarfik aasap ingerlanerani nunaqarfinnut tikeraarsimapput. Isumassarsiat pitsaasut saqqummerartut, saniatigut oqallinneq pitsaasoq ingerlanneqarsimavoq.
Pisinarfeeraq nutaaq, takornariaqarnikkullu isumassarsiat assigiinngitsut aqqutillu pisuffissiat nutaat taakkuupput inuussutissarsiornermut siunnersuisoqatigiit takornariaqarnikkullu aqutsiveqarfiup aasaanerani nunaqarfinnut angalaneranni eqqartorneqartartut. Nunaqarfiit ataasiakkaarlugit tikinneqarsimapput, nunaqarfimmiunit kissaatigineqartut nunaqarfimminnullu isumassarsiaat tusarniaaviginiarlugit. Taamaasilluni suliniutit nunaqarfinnut inerisaaqqinnissamut takornariaqarnermullu tunngassutillit isumassarsiat katersorneqarsimapput.
“Nunaqarfinnut angalanitsinni siunertarput tassaavoq, nunaqarfiit innuttaasui qanimut attaveqarfiginerulernissai. Innuttaasunik ataatsimiisitsinerit paasinartumik naammaginartumillu ingerlassimavagut. Annersusumik suliffeqarfipput ilisaritinngilarput, taamaattorli sulerisuunerput ersersillugu, pingaarnertullu innuttaasut piumasaat eqqartungaallu tusarnaarlutigit malinnaaffigaangut nalunaarsorlugillu.” Taama oqarpoq takornariaqarnermut aqutsisoqarfimmi aqutsisoq Linda Kleist.
Pilersitsiniarnerit pitsaasut piupput
Ilaatigut assersuutigalugu Ikerasaarsummi qeqqussanik tunisassiorsinnaaneq periarfissat ilagaat. Matumani innuttaasut isumassarsiatik unammillernartullu oqaluttuaraat.
“Nunaqarfinniit isumassarsiat pitsaasut qanoq pituttorneqarsinnaaneri oqaloqatigiissutigilluarpagut, unammillernartut unammineqarsinnaapput, atavaaniit pisussanik utaqqiinnanngikkaluarluni. Tamanna nunaqarfinni illoqarfinnilu atuuppoq, imminut nammassinnaasumik ineriartorneq nunaqavissunut pituttorumallugu” Inuussutissarsiornikkut siunnersuisoqarfiup pisortaa Gerth P Olsen taama oqarpoq.
Tamanna annertunerusumik KNR 25. August 2022-mi aallakaatitassiaani 36 min nallernerani tusarnaarneqarsinnaavoq.
Siunnersuutigineqartut arlariit nutaat
Nunaqarfinnut angalanerit kingorna oqarasuaatikkut innuttaasunik oqaloqatiginninnerit arlaqartut ingerlanneqartarput.
“Tusaasinnaasagut malillugit nunaqarfinnik inerisaanissamut tunngatillugu isumassarsiat amerlapput. Nunaqarfigu annerusumik minnerusumilluunniit imminnut pilersortooreerput, taamaammallu isumassarsiatsialaavoq nunaqarfinni inuussutissarsiornikkut imminut nammassinnaasumik inerisaanissaq, siunissamullu ungasinnerusumut qulakkeerinninnissaq aallutissallungu” taama oqarpoq Gerth P Olsen.
“Takornariaqarnikkut nunaqarfinni inerisaanissamut isumassarsiat arlaqarput, amerlanertigullu anguniarneqarsinnaasut tassaapput, aqqutit pisuttuarfissat, tammajuitsussarsiorluni pinialunneq, aliikkutaralugulu aalisariartitsinerit. Innuttaasut nunaqarfitsik nuannareqaat. Tusarliunneqartut tigusimavagut, pimoorullungulu nunaqarfimmiunik suleqateqarnerput ingerlatiinnarnissaa qilanaaraarput,” Linda Kleist taama naggasiivoq.
Nunaqarfik tikinneqartussaq kingulleq, Kitsissuarsuit tikinneqassaaq marlunngorneq 6/9. Annertunerusumik paasisaqarusukkuit Qeqertalik Business Council Facebookkimi qupperneranut iserlutit paasisaqarfigikkit.