Qeqertalik Business Council ulluinnarni assigiinngitsunik suleqaterpassuaqartarpoq. Assersuutigalugu pisortat suliffeqarfiutaaniit, namminersortunik, namminersulerusuttunik, takornarialerisuni avammut nittarsaassinermut, tikikkuminarsaanermut assigisaannillu.

Suleqatigiinnerup iluani iluatsilluinnarsimasut ilagaat Hotel SØMA-p suleqatiginera.

Hotel SØMA pisumut tassunga imannak oqaaseqarput:

‘’Qimusserneq kulturitsinni pingaaruteqarluinnnartut ilagaat. Nunaqavissunik qimussertartunik toqqaannaq suleqateqarnikkut takornarissanut misigisassaq pitsaassusilik qulakkiiginnartanngilarput aamma takornariaqarneq sumiiffimmi inuussutissarsiortunut iluaqutaasussanngorlugu qulakkeertarparput.

Suleqatigiinnerup uuma, ileqqunik immikkuullarissunik eriagisassanik ingerlatitseqqiinissap attatiinnarnissaa piutippaa, nunarsuarmilu tamaneersut takornarissat tikeraat misigisaqarnermik immikkut ittumik pissarsiaqarnissaat qulakkeerneqartarluni.

Nuannaarutigeqqissaarparput Qeqertalik Business Council suleqatigalugu illoqarfimmi qimussiussisartunik ataatsimiinnermi isumaqatigiissut inissinnikuugatsigu taamaasilluni pitsaasumik paaseqatigiinnerup kingunerani ukioq kingulleq silamik peqquteqanngittumik qimussiussinernik taamaatitsiinnartoqarnikuunngilaq. Taamaaasilluni iluatsilluinnartutut nalilingassaalluni.

Tulluusimaarutigaarput taamatut suleqataasinnaagatta – qilanarlutalu suli takornarissanik amerlanerusunik qimussertitsinissarput.’’

Illit suliffeqarfittut, namminersulerusullutilluunnit siunnersugassaaguit avitseqatigerusukkutsigilluunniit attavigisinnaavatsigut.