Qeqertalik Business Council Project Managerissarsiorpoq januaarip aallaqqaataani 2022-mi aallartissinnaasumik imaluunniit isumaqatigiissusiornikkut. Qeqertalik Business Council A/S kiisalu Destination Diskobay Qeqertarsuup tunuani inuussutissarsiutitigut takornariaqarnermillu piorsaanissamik suliaqartuuvoq.
Inuussutissarsiutitigut Siunnersuisoqarfik takornariaqartitsinermillu piorsaavik ukiortaami pilersitaaqqammerput, inuussutissarsiorneq kiisalu takornariaqartitsineq inuussutissarsiutitut inuaiaqatigiinnut piginnaanngorsaaffigineqartussatut, nunaqartunut takornarissanullu iluaqutaasussanngorlugu pilersitaavoq. Qeqertalik Business Council A/S kommunimit Sulisitsisullu immikkoortortaqarfiannit toqqakkanik arfinilinnik siulersuisuutitaqarpoq.
Qeqertarsuup tunuani periarfissarpassuaqartumi, Project Manageri ataatsimoorussamik nittarsaassissutissamik brandimik pilersitsinissamik suliniuteqassaaq. Tamannalu sumiiffinni attuumassuteqarfiusuni namminersortut kiisalu takornarialerisut peqatigalugit suliassaassalluni.
Atorfimmi piginnaasat uku pingaartippagut:
- Suliffeqarfimmi nutaajusumi nammineersinnaaneq
- Periarfissanut pulakatsersinnaaneq, attavigiuminarneq tusarnaarsinnaanerlu
- Suliaqartunut assigiinngitsorpassuarnut oqaloqatiginnikkusussuseqarlunilu piumassuseqarneq
- Suliniutit oqimaassinnaasut ataqatigiissaarlugillu kivissinnaanissai
- Nassuiaassilluarsinnaalluni pikkorissaanissamut piginnaasaqarneq
- Tulluartumik ilinniagaqarneq
- Nittarsaassinissamik -, attaveqaatinut -, nittartakkakkut quppernernik pikkorissuuneq
- Kalaallisut, danskisut tuluttullu oqalussinnaaneq
Suliassat ilaat:
- Projektinik aalajangersimasunik ataqatigiissaralunilu suliaqarnissaq, tamanna suleqatit susassaqartullu pingaarnerit peqatingalugit
- Siunniussassanik maleruagassanillu suliaqarnerit, soorlu CSR-politikki kiisalu Community Guidelines
- Regionimut ataatsimoorussamik nittarsaassissutissamik brandimik pilersitseqataanissaq
- Kommuni, inuussutissarsiutitigut siunnersuisoqatigiit takornarialerisullu akimorlugit ataqatigiissaarineq
- Nuna tamakkerlugu immikkoortortaqarfinnilu inuussutissarsiutitigut kiisalu takornarialerinermut siunniussanut ataqatigiissaarineq
- Regional branditaassamut suliniutinik piviusunngortitseqataaneq inerisaanerlu
- Inuussutissarsiutitigut takornariaqarnermillu pilersaarummik pilersitseqataaneq
- Tikikkuminarsaanerup nittartagaanik qupperneranillu inerisaaneq nutarsaanerlu
- Nutaarsiassiorneq allanillu saqqummersitassanik suliaqarneq
- Produktkatalogimik tikikkuminarsaanerullu immikkuullarissusaanik misissuilluni suliaqarneq
- Takornarialerinerup iluani piujuartitsinermik peqataalersitsineq
- Aallarnisaasunut siunnersuillunilu tapersiineq
Atorfik nutaaq pissanganarluinnartoq Aasianni inissisimasoq neqeroorutigisinnaavarput, sumiiffimmi inerisarneqarluarsinnaaneranut periarfissarpassualimmi.
Atorfik immikkut isumaqatigiissuseqarnikkut ukiortaami imaluunniit piffissaliussaq isumaqatigiissutaasoq tunngavingalugu atorfinitsitsissutaassaaq. Qinnuteqaat kingusinnerpaamik 29. novembari nassiunneqassaaq. Atorfimmut atatillugu inissaqartitsinertaqanngilaq. Qinnuteqaammut CV, allagaq innersuussissut assigisaalu e-mailikkut Qeqertalik Business Councilip pisortaanut Gerth P. Olsenimut nassiunneqassaaq uunga gerth@qbc.gl.
Atorfimmut tunngatillugu annertunerusumik paasisaqarusukkuit pisortaq mailikkut oqarasuaatikkulluunniit 558282-mut saaffigisinnaavat.