Destination Diskobay 20. Septemberi Nordic workshop 2023-mut peqataavoq Qeqertalillu avammut nittarsaallugu, Kalaallit Nunaannut nittarsaassisut allat marluk peqatingalugit.

Naapeqatigiinneq takornariaqarnerup iluani tuniniaasunut aammalu pisisartunut attaveqaatigiilersitsivoq. Siunissami suleqatigileratarsinnaasat, suliffeqarfiit tunuliaqutai assigiinngitsut, assigiinngitsunik soqutigisalinnik takornariartitsisartut, immikkullu ittunik pisariaqartitsisut aaqqissuussaq naapeqatigiiffigaat.

Takornarialerinermi siunnersuisartut, takornariaqarnerup iluani suliffeqarfiit aammalu namminersortut, nunat takornariarfissani sulisut Sverigemiit, Norgemiit, Finlandimiit, Islandimiit, Danmarkimiit aammalu Kalaallit Nunaanniit peqataaffigineqarpoq, tassanilu Tysklandimi takornarialerisut takornariartitsisartullu naapisimaarnissaanut periarfissinneqarlutik.

Ataatsimiinnerit Frankfurtimi ingerlanneqarput, siammasissumik pingaarutilinnillu eqqartueqatigiittoqarluni.  Siunissamilu suleqatingileratarsinnaasat paasiniaaffingineqarlutik. Nunat avannarlerniit Tysklandimiillu naapeqatigiinneq pingaarsimavoq, tassami attaveqatigiinneq aammalu siunissami takornariaqarnerup iluani suleqatigiileratarsinnaanermut takornariartitsisut takornariarfissallu akornanni ammaanneqarmata.

‘’Nuannaarutigilluinnarpara Destination Diskobay Frankfurtimi avammut nittarsaassinnaangakku, Peqataaninni siunissami takornarissat angalanissaannut pilersaarusiortartut attaveqaatigillualerpakka.  Qeqertalimmi periarfissat assingiinngitsut tikitassani assingiinngitsuni avammut nittarsaappakka, apeqqutigineqartut akillugit, paasissutissallu annertuut tunniullugit. Qeqertarsuup tunua Destination Diskobay qanoq immikkuullaritsiginersoq avammut nittarsaapparattaaq. Pingaarnerpaatulli nittarsaakkusussimavakka Qeqertalimmi unnuisarfiit, takornarialerinerup iluani namminersortut, angallanneq aammalu upernaakkut, aasakkut, ukiukkut ukiakkullu sammisassarineqarsinnaasut. Tikitassaatigut Qeqertalimmi takornarianut puiunaatsumik, piujuartumik, kulturikkullu immikkuullarissumik ukioq kaajallallugu periarfissaqartitsisuupput. ’’ – Taamak oqarpoq Navarana Bidstrup, Destination Manager.