Inuussutissarsiutitigut Siunnersuisoqarfiup Kommune Qeqertalimmut inuussutissarsiutitigut pilersaarusiummut siunnersuusiaq saqqummiuppaa.

Kommune Qeqertalimmut kiffartuussinissamut isumaqatigiissut malillugu, Inuussutissarsiutitigut Siunnersuisoqarfiup Qeqertalik Business Council A/S-ip ukiumoortumik inuussutissarsiutitigut pilersaarusiummut siunnersuusiamik saqqummiussisarnissaa isumaqatigiissutaavoq.

Allaaserisaq saqqummiussaq siunnersuusiaannaavoq, tassami kommunip kiisalu kommunalbestyrelsip naggataatigut tamakkiisumik siunnersuusiutip imaani sorliit pingaarnersiorlugillu piviusunngortinniartussaassagamikkit.

Saqqummersitaq kommunip illoqarfiini sisamaasuni, illoqarfiit inuutissarsiortui pisumullu immikkut soqutigisallit peqatingalugit, inoqarfimminni killiffissiuinikkut ineriartoqqinnissamullu eqqarsaataannik isumasiunikkut allaaserisaq immersorneqarsimavoq. Ukioq manna Covid-19 peqqutaalluni nunaqarfinni isumasiuneq ingerlanneqanngitsoorpoq.

Inuussutissarsiutitigut pilersaarusiaq ilaatigut illoqarfiup pitsaanerusumik ineriartoqqinnissaanut siunnersuutinik, ilinniagaqarnermut sulisoqarniarnermullu kiisalu attaveqaqatigiiffiinnut tunngasunik imaqarpoq. Saniatigullu takornariaqarnermi ineriartornissamut pitsaanerusumik atugassaqartitsiniarnermut siunnersuusiuteqarluni, assersuutingalugu illoqarfinni nunaqarfinnilu illut aserfallannikut iluarsaattuuffigineqarnissaat, takujuminarsaanissaq unnuisarfissanillu nutaanik pilersitsinissaq eqqarsaatingalugu.

Inuussutissarsiutitigut pilersaarusiaq annertunerusumik maana atuarneqarsinnaavoq.