Qeqertalik Business Council Iværksættercafémik taallugu namminersortunik saqqummiititsisarpoq sumiiffimmi aggersaalluni onlinekkut aamma peqataaffigineqarsinnaasumik.

Tassani oqaluttuarineqartarput qanoq namminersortutut aallarnisaasoqarsimanersoq, unamminartut, iluatsittut, suliffeqarfittullu ingerlaannarnissamut suliniutit. Saqqummiisoqareeraangat peqataasut akornanni apeqquteqartoqarsinnaasarluni.

Tassungalu atatillugu saqqummiisorinikuusatta ilagivaat Inaluk L. Olsen.

Inaluk namminersortuuvoq suliffeqarfiutigalugu SoMe v/Inaluk.

Inuit attaveqaqatigiittarfiini suliffeqarfiit allat suliaat, pisiassaataat allallu saqqummiussassat suliareriarlugit avammut nittarsaassilluni ulluinnarni suliaqartuuvoq.

Inaluk Iværksættercafémi sooq saqqummeerusussimanersoq aperinikuuarput imatullu akissuteqarpoq:

‘Uanga iværksættercafémi saqqummiinikuuvunga. Aallartisarusuttunut, isumassarsiorusuttunut, qanoq suleriuseqarninnik paasisaqarusuttunut allanillu iluaqutaasinnaasunut siunertaqarlunga peqataanikuuvunga. Uangalu nammineq inuttut ineriartuutiginikuusakka namminersulerama suut paasiniagassaasimanersut unamminartoqarsimappallu saqqummernissai pingaartikkakku peqataanikuuvunga. Pingaarnertullu illoqarfitsinni kommunemilu piorsaaqataarusukkama.”

Nalunngiliuk? Iværksættercafé immiunneqarnikut Qeqertalik Business Council Youtubeani takusinnaagakkit.