Sapaatip akunnerata kingulleq tunngaviusumik piujuaannartitsineq sammisaralugu inuussutissarsiutilinnut pikkorissaasoqarpoq. Pikkorissaanermi peqataasut piujuartitsineq qitiutillugu aaqqiissutinik kiisalu FN-p anguniagai 17-t sammisimavaat, taamaasillutik ilisimasaqarnerulerlutik sammisaminnillu tigussaasunngortitsillutik assersuuteqarsimallutik. 

Pikkorissaaneq Aasianni Hotel SØMAmi ingerlanneqartumi Qeqertalik Business Councilimeersumik Navarana Bidstruppimit aqunneqarpoq. Saqqummiinikkut, oqallinnikkut tigussaasunillu assersuuteqarnikkut peqataasut piujuaannartitsineq pillugu isumassorneqarlutillu sakkussaminnik tuniorarneqarput, taamaasillutik ulluinnarni suliaminnut atorsinnaalersillugit. 

Saqqummiisut akornanniiputtaaq Hotel SØMA Aasianniit kiisalu Grønlandsbankip Aasianni immikkoortortaqarfianiit, namminneq suliffimminni piujuartitsinissamut suliaqarnerminni assersuutit tigussaasunngorlugit allallu suliffeqarfiannut atorsinnaasunngornissaannut isumassueqataasimallutik. 

Peqataasut arlaqartut, ilaatigut Royal Arctic Linemiit, Masantimiit, Cut in Aasianniit nuannaarutigineqarpoq FN-p piujuartitsinissamut anguniagai sammeqqilaarnissaannut, ilaasa tupaallatigivaat piujuartitsineq ilumut taama siammasitsigisinnaasoq uisitsisinnaatigisorlu. 

Qeqertalik Business  Council inuussutissarsiutilinnut piginnaanngorsaaniarlutik suliffeqarfiisalu ineriartortuarnissaannik anguniagaqarlutik, ataavartumik pikkorissaassutinik kiisalu isumasiuinernik ingerlatsisarpoq. Unalu pikkorissaaneq Inuussutissarsiutitigut Siunnersuisoqarfiup pikkorissaanerit assigiinngitsorpassuusut neqeroorutigisartagaasa ilagaat, soqutiginnittullu pikkorissaanernit aaqqissuussanillu allanik malinnaarusuttut nittartagaannut www.qbc.gl/ka/pisussat/ iserfingalugu alaatsinaassinnaapput.