Inuussutissarsiutitigut Siunnersoqarfimmiit quppersangannguamik nutaamik saqqummersitsingatta, taannalu ilissinnut ilisaritilaarusupparput.

Quppersagaq arfineq pingasunik quppernilik kalaallisuinnaq allaqqavoq, tassanilu suut suliarisarnerigut atuarneqarsinnaallutillu takuneqarsinnaapput.

Quppersagaq ima quliqutsernikuuarput “Kommune Qeqertalimmi Inuussutissarsiornikkut Takornariaqarnikkullu ineriartorneq”

Quppersagaq interaktiviviuvoq, tassa ima paasillugu nittartakkatuulli toortaanikkut iserfissat allat iserfigineqarsinnaallutik saqqummiussaalluni. Saqqaaninngaanniit quppernerup naggatissaanut oqaatsini tuugassaqarpoq, sammisallu assigiinngitsut itinerusumik iserfigineqarsinnaasarumaarlutik, soorlu Youtubemi quppernitsinni ikkussornikuusagut assit ingerlasuliarinikuusagut arlallit iserfigineqarsinnaallutik.

Sulliffeqarfitsinni anguniakkavut siunertarpullu atuarneqarsinnaapput, ilaatigullu aamma saqqummersittakkavut allat, soorlu kommuneqarfitsinni aallarnisartut saqqummiisikkaangatsigit iværksættercafenik taasakkatsinni saqqummiunneqartareersimasut ikkussuunnikuullutigit.

Suliffeqarfitta ilisaritinneranut tunngasutilinnik nittarsaassiinnanngilagut, kisiannili aamma qanimut suleqatigisartakkatta paasissutissaat nittartaagaallu aamma saqqummiussuuppagut.

Suliatsinnik attaveqaatitsinnillu annerusumik paasisaqarusukkuit, quppersagaq qanimut atuarlugulu  qimerloorsinnaavat.

Quppersagaq una toorneratigut takuneqasinnaavoq.

Neriuppugut tingulluarlugu atuarluarumaarissi.