Oktober 2021-imi Qeqertalik Business Council aamma Destination Diskobay Avannaata Kommuniata Ilulissani mittarfiup allineqarnissaanut atatillugu isumasioqatigiissitsinerani peqataapput, suleqatit allat, kommunit Qeqertarsuup tunuani takornariartitsinermik suliaqartut illoqarfiillu avannarpasinnerusumiittut peqataaffigisaannik. (https://qbc.gl/nyheder/seminar-om-lufthavnsudvidelsen-i-diskobugten/) Maanna Qeqertalik kommuni tullinnguuppoq isumasioqatigiissitsissalluni. Tamanna pissaaq 5.-6. april 2022 Aasianni.

Apriilimi isumasioqatigiinnissami Ilulissat mittarfiullu allineqarnissaa akimorlugit isiginninniartoqassaaq. Isumasioqatigiinnermi qulequtarineqassapput inoqarfinni avinngarusimanerusuniittuni periarfissat unammilligassallu – mittarfissuartaassap Ilulissat avataani inoqarfinni avinngarusimasuniittunut qanoq iluaqutaalersinniarneqarsinnaava?

Avannaata Qeqertaliullu kommuniini inuussutissarsiortut takornarialerisullu isumasioqatigiinnermut peqataaqqullugit qaaqquneqarput, soorluttaaq qinikkat kommuninilu atorfillit qaaqquneqartut. Suliaqartuniit, nunani allani suleqatigisaniit kommuniniillu isummersuutinik isumassarsiorfigineqarsinnaasunik saqqummiisoqarumaarpoq. Apeqqutit pingaarutillit pillugit peqataasut eqimattakkuutaarnerini suliassaqartarumaarpoq.

Siunertaavoq isumasioqatigiinnerup naammassinerani peqataasut suleqatigiillutik suleriaqqinnissaminnut nunallu immikkoortuata ataatsimoorfiusumik kivitseqatigiiffiunissaa pillugu isumaqatigiissuteqarnissaat. Unammilligassatut saqqummiunneqartut katersorneqassapput allattorneqarlutillu politikkikkut suliareqqitassanngortinneqarnissaat siunertaralugu.

Annerusumik paasisaqarsinnaavutit: https://qbc.gl/qeqertalik_event/seminar-muligheder-og-infrastruktur-i-diskobugt-regionen/