TAAMAATIPPOQ Guiderinermi pikkorissarneq Qasigiannguani

TAAMAATIPPOQ

Guiderinermi pikkorissarneq Kommune Qeqertalik, Qasigiannguit aamma Campus Kujallermiit aaqqissuunneqarpoq

Imai
Angalassinissap ilusilersornera: Angalassineq pitsaasoq qanoq iluseqassava?
Periaatsit: Paasissutissanik oqaluttuarneq, oqaloriaatsit, eqimattanik isumaginninneq, assiinngitsunik kultoorillit akornanni attaveqaqatigiinneq, suliffeqarfinnut assigiinngitsunut alakkaaneq, illoqarfimmi pisuttuarujoorneq, sulinermi ileqqut pitsaasut.
Paasissutissanik katersineq:
Piffinni paasissutissanik katersineq, illoqarfimmi ilisimasallit atuakkallu nammineq paasissutissanik katersineq.
Pikkorissaanermi periaaseq:
Eqimattatut ilinniartinneqarneq, ”workshops”, ”on location”-ini sungiusarneq aalajangersimasumillu qulequtaqarluni anniktsunik suliaqarneq.
Oqaatsit:
Kalaallisut.
Piumasaqaatit:
Peqataarusullutit qinnuteqartut qallunaatut oqalussinnaasariaqarput, aamma ajornanngippat tuluttut.
Sivisussusaa:
Ullut sisamat nal. 8.00 – 16.00.
Qinnuteqarneq: Kingusinnerpaamik 26. september 2022.
Illoqarfigisanni Majoriaq aqqutigalugu nalunaartoqassaaq. Sullissisut (sagsbehandler) peqatigalugu qinnuteqarneq pissooq. CAK-ip nittartagaani www.cak.gl/kursus immersugassaq atorlugu nalunaarneq pissooq.

Pikkorissarnermi ajunngitsorsiassat (kursusgodtgørelse)
Peqataasut ilinniagaqanngitsut pikkorissarnermi ajunngitsorsisinnaapput.
Peqataasut ilinniagallit peqataasinnaapput akeqanngitsumik, taakkuli ajunngitsorsiassaqanngillat.

Sulisitsisut / peqataasut suliffillit
Pikkorissartussaq pikkorissariaqquneqarnerup nalaani suliffeqaruni, taava Campus Kujalliup sulisitsisoq qinnuigaa pikkorissartup akissarsiani tigummiinnassagai.
Sulisitsisoq Campus Kujallermut akiligassamik nassiussisinnaavoq pikkorissarneq naammassippat. Ilisimatitsissutigineqassooq ullut peqataaffiit kisiisa akissarsissutigineqarsinnaammata.
Pikkorissarnermi suliffimmit akissarsiat tigummiinnanngikkaani ajunngitsorsiassanik pisoqarsinnaavoq.

Majoriaq / peqataasut suliffeqanngitsut, aalisartut/piniartut
Majoriaq suliffeqanngitsunut “sulisitsisutut” inissisimasinnaavoq. Taamaappat Campus Kujalliup pikkorissartup ajunngitsorsiassai Majoriamut tunniutissavai pikkorissartorlu Majoriamit ajunngitsorsiassani tigussavai. Majoriaq aamma Campus Kujalleq akunnerminni akiligassaq isumagissavaat.
Ajunngitsorsiassat ullut 14-ikkaarluni akissarsititsinermi ilaapput.
Pikkorissartut suliffeqanngitsut, pikkorissarnerullu nalaani suliffeqanngikkallarnermi pisortanit ikiorsiissutinik pisartagallit, pisartagartik tigummiinnassavaat, imaappoq ajunngitsorsiassat (kursusgodtgørelse) atuutissanngillat.
Pikkorissartoq aalisartuuguni / piniartuuguni ajunngitsorsiassaqarsinnaavoq (kursusgodtgørelse), taakku ulluni pikkorissarfiusuni isertitassaagaluanik annaasaqarnermut matussusiisussaapput.

Nammineq inuussutissarsiortut
Ajunngitsorsiassat isertitatut B-tut tunniunneqassapput. Taamaattumik pikkorssartup nammineq skat-eernissani isumagissavaa.
Ajunngitsorsiassat tunniunneqassapput pikkorissarsimasoq akiligassamik (faktura) Campus Kujallermut nassiussereerpat.
Ajunngitsorsiassap annertussusaa:

Juni 2019-imiit atuutilersut:
- Ilinniagaqanngitsut 25-iniit akiullit: Ullormut 650 kr.
- Ilinniagaqanngitsut 18 - 24-inut ukiullit: Ullormut 211,50 kr.