Destination Diskobay ukioq manna peqataanerani Destination Manager Jens-Christian Jacobsen aamma Gerth P. Olsen Nordic Marketplace København- imi ulluni 16.-17. Februar 2026 peqataapput.
Nordic Marketplace tassaavoq nunani avannarlerni aamma Baltikumimi takornariaqarnermut tunngatillugu aaqqissuussinerit pingaarnerpaat ilaattut ilisimaneqartoq. Aaqqissuussineq pilersitsisunik pingaarnernik nunanit avannarlernit aamma Baltikumimit kiisalu nunanit tamalaanit pisisartunik pingaarutilinnik katersuivoq – ilaatigut turoperatørit, rejsebureauer, grossisterit, OTA-t aamma DMC-t – tamarmik nutaamik, piviusunik aamma nunap immikkoortuinut attuumassuteqartunik misigisassanik ujartuillutik.
Destination Diskobay-mut tunngatillugu tuniniaasartut (agenter) immikkut toqqarneqartut katillugit 15-it ataatsimeeqatigineqarput. Toqqaanermi anguniarneqarpoq suliffeqarfiit nunap immikkoortuanut kiisalu misigisassanut aamma tunisassianut neqeroorutigisinnaasatsinnut tunngatillugu immikkut pingaaruteqartuusut. Anguniarneqarpoq amerlassuseq pinnagu pitsaassuseq salliunneqassasoq kiisalu siunissami suleqatigiinnissanut toqqammavissanik patajaatsunik pilersitsinissaq.
Tuniniaasartut (agent-it) peqataasut toqqaannartumik attaveqaatinik pissarsipput, angalaffiusinnaasut piffimmi periarfissanik ilisimasaqalerput kiisalu najungaqarfinni takornarialerisartunut paasissutissat pillugit paasissutissanik pissarsillutik. Taamaalillutillu siunissami tunisassiat aalajangersimasut aamma suleqatigiinnissamut periarfissat pillugit toqqaannartumik oqaloqatigiinnissinnaalerlutik.
Ilaatigut GetYourGuide ataatsimeeqatigineqarpoq, taakkualu nunap immikkoortuani tunisassiat aamma misigisassat pillugit isumaqatigiissuteqarnissamut soqutiginninnerat oqaatigaat.
Destination Diskobay peqataanera alloriarneruvoq pingaarutilik nunanit tamalaanit takuneqarsinnaaneranik ineriartortitsinissamut nukittorsaaffiusussaq, toqqaannartumillu najukkami takornarialerisunik annertusarneqarnissaanik qulakkeerinnittussaq aammalu Qeqertarsuup tunuani takornariaqarnerup annertusarneqarnissaanut tapersiisumik suliaqartoqarnerani pingaarutilimmik alloriarnerulluni.
