Attaveqaqatigiinneq, suliniutinillu arlariinnik ingerlatsineq nuannaraajuk?  Nammineerlutit ingerlatsinermut, inerisaanermullu tunngatillugu namminersuutigalugu sulineq nuannaraajuk? Kommune Qeqertalimmi  malunnaatilimmik inuussutissarsiornikkut takornariaqarnikkullu inerisaaqataarusuppit?

Taamaappat illit tassaavutit Project Managerissarput!

Kikkuuvugut?

Qeqertalik Business Council tassaavoq Kommune Qeqertalimmi inuussutissarsiutitigut siunnersuisoqarfik, taamatuttaaq Destination Diskobay takornariaqarnikkut inerisaanermik siunnersuisarfittut immikkoortortaralugu.

Allattoqarfeerannguuvugut immikkoortortaqarfitsinni inuussutissarsiuteqarnikkut takornariaqartitsinikkullu kiisalu kommunitsinni immikkoortortaqarfinnut attaveqaatigissaarluartut.

Qitiusumik Aasianni allattoqarfeqarpugut, illoqarfiullu qeqqani illuni suli atuuttuni pisoqaanerpaasumi inissisimalluta.  Kommunitta iluani inoqarfiit ukiumut arlaleriarluta angallavigisarpagut, isumasioqatigiinnerit, nittarsaasseqatigiinnerit, ataatsimiinnerillu allat peqataaffigisarlutigit. Naatsorsuutigaarpullu illit qulaani taaneqartunut angalanernut ilaannikkut peqataasassasutit.

Kinaavit?

• Annerusumik minnerusumilluunniit inuussutissarsiutilerinermi ilinniagaqarnissat, sivisunerusumilluunniit inuussutissarsiutilerinikkut, aningaasaqarnikkut, takornariaqarnikkut misilittagaqarnissat assigusunilluunniit.

• Nammineerlutit suliassanik suliaqarsinnaanissat, suliassanullu amerlasuunut piareersimanissat.
• Inukkuminartuussaatit, kalaallit nunaanni innuttaasut soqutigisaqaqatigiit naligalugit oqaloqatigisinnaallugit, paasinnissinnaassuseqarfigalugillu.
• Pitsaasuussaaq projektledelse attaveqaqatigiinnerlu misilittagaqarfigingukkit, inissaqartinneqassaarlu suliassanut nammineq inerisaaqataalluarsinnaanissat.
• Pitsaassaaq silaannaap kissatsikkiartorneranut kiisalu piujuartitsinermut tunngatillugu nalunaarsuinermut ilisimasaqaruit, pingaarnertulli piujuartitsitinissamik siunertaqarluni sulinermi annertuumik sunniuteqaqataarusunnerit, aaqqiissutissanillu nassaassarsioqataanissamut peqataarusussuseqarneq.
• Suliavut neqeroorutivullu annerusumik kalaallisut ingerlasarput, taamaammat iluaqutaassaaq kalaallisut allassinnaallutillu oqalussinnaaguit. Minnerpaamillu qaffasinnerusumik qallunaatut tuluttullu oqalussinnaasariaqassaasit.
• Aallarnisaasunut qaffassaataasinnaasumik ikiuussinnaaneq, siunnersuisinnaanerlu piginnaasaqarfigissuat

Suliassat qanoq imaqarpat?

Suliffeqarfik namminersortoq, kommunimi pigineqartutut, kommunimut sullissinissamut isumaqatigiissut kiisalu siunnissarput naapertorlugu sulissaagut, tamassumanilu akisussaaffilerneqarpugut sukumiinerusunik periusissiatut pilersaarutinik suliaqartarnissamut, tamatumani takornariaqarnikkut inuussutissarsiuteqarnikkullu kivitseqataanissarput akisussaaffigalutigut.

Illit sulinerni periusissiatut pilersaarutit uummarissarnissaat suliassarissavatit, ilaanni ataani allassimasunik imaqartut:

• Anguniakkat pillugit projektinik aqutsinissaq, matumanilu suliassanik erseqqissaanerit, soqutigisaqaqatigiinnik oqaloqatiginninnerit, kommunillu oqartussaaffiini assigusut attaveqaqatigineri.
• Pisariaqartitat- soqutigisaqaqatigiinnillu tunngatillugu misissuinerit, missingersuummik allaqqitassiornerit, minnerpaaffia tikillugu.
• Suliassaqarfiit aalajangersimasut, kommunimut suliarineri. Matumani kommunimut aningaasaqarnikkut missingersuusianut innersuusiornerit, ukiumoortumik inuussutissarsiornikkut pilersaarutivut il.il

Taamatuttaaq naatsorsuutigaarput, ulluinnarmi ingerlatsinermut suleqataasarnissat soorlu ataani allassimasut:

• Ataavartumik nittartakkatsinnut nunaarsiassanik ikkussuinerit, tusagassiutitigut nalunaarusiat minnerusut, takornariaqarnikkut inuussutissarsiornikkullu oqaluttuanik allaaserinninnerit.
• Nittartakkatigut, inuillu nittartakkatigut naapittarfiini assigiimmik ilioqqaanermik ingerlatsineq (www.diskobay.gl samt qbc.gl).
• Pilersaarusiorneq pilersaarusianillu piviusunngortitsinerit soorlu; aallarnisartut kaffisoqatigiittarfiat, pikkorissaatitsinerit, naapeqatigiisitsinerillu.
• Aallarnisartunut innuttaasunullu siunnersuinerit, isumassarsianillu inerisaanermut kaammattueqataaneq.

Atorfinitsitineq pissaaq isumaqatigiissusuiornikkut, piffissami qaninnermi immaqaluunniit piaarnerpamik. Taamaattoq qinnuteqarfissaq kingulleq ulluliunneqarpoq 15. august 2024. Aallarniutingalugu atorfik inuttalerneqartussaq inissiaqartitsinavianngilaq, taamaakkaluartorli ujartueqataanissamut ikiuussinnaavugut. Qinnuteqarnermi Qeqertalik Business Council pisortaanut Gerth P. Olsenimut, CV, oqaaseqaatit, allagartallu nassiunneqassapput uunga mailernikkut gerth@qbc.gl.

Atorfik pillugu paasisaqarnerorusukkuit mailikkut oqarasuaatikkulluunniit +299 558282 paasiniaasinnaavutit.