Kiffartuussilluarnissamik kiisalu Social media atorlugu nittarsaassilluarnissamik pikkorissaanerit

Weekendimi septembarip qaammataani Qeqertalimmi pikkorissaanerit marluk ingerlatissavagut, ulloq siullermi kiffartuussinermik pikkorissaaneq ingerlateriarlugu, aqaguani social media atorlugu nittarsaassinermik pikkorissaatitsissaagut.

Kiffartuussinerup silarsuaani suliaqaruit, pisiniarfimmiuppat saaffiginnittarfimmiluunniit imaluunniit soqutiginniinnarlutit, inoqammik kiffartuussilluarnissap anguniarnissaanut eqqaasitseqqinneqalaarnissat periarfissanngorpoq.

Taassuma saniatigut aallarnisaasut namminersortulluunniit social media atorlugu pitsaanerusumik nittarsaassisinnaanissamut immersorneqarlutillu isumassarsiorsinnaassaatit.

Pikkorissaanerit sumiiffinni ullunilu ukunani ingerlanneqassapput:

Kangaatsiaq – Katersortarfik

4. september 2021 – Kiffartuussinermik pikkorissaaneq (Servicekursus)
5. september 2021 – Social Media Marketing

Qasigiannguit – Qeqertalik Kommune

11. september 2021 – Kiffartuussinermik pikkorissaaneq (Servicekursus)
12. september 2021 – Social Media Marketing

Qeqertarsuaq – Qeqertalik kommune

18. september 2021 – Kiffartuussinermik pikkorissaaneq (Servicekursus)
19. september 2021 – Social Media Marketing

Aasiaat – Sømandshjemmet

25. september 2021 – Kiffartuussinermik pikkorissaaneq (Servicekursus)
26. september 2021 – Social Media Marketing

Erseqqarinnerusumik paasisaqarusukkuit nittartagatsinni pisussat qanimut qimerloorsinnaavatit uunga isernikkut.