Tamatta nalunngilluarparput illoqarfiit ilai neriniartarfinnik allaanerulaartunik imaluunniit isumassarsiorfiulluarsinnaasunik amingaateqartartut.

Aallarnisaarusuttoqarporlu nerisassiornerup iluani isumassarsiatsialaqartunik, taakkuli eqqarsaatiminnik pivisusunngortitsinissamut nerisassiornissamut akuerisaasumik sullivissaqannginnertik aporfingikkajuttarpaat. Saniatigullu nalornineq, aallarnisaasutut inuuneq aningaasarpassuarnik pilliuteqarfiusartoq, iluatsissanersoq ajalusuussanersorluunniit initusaqaluni.

Taamaattumik nunatta immikkoortortaqarfiini foodlabinik pilersitsinissamut tapersiisoqarnissaa pisariaqavippoq, taamaaliornikkut innuttaasunut nerisassiornissamillu soqutiginnittunut, avatagiisini toqqissisimanartuni akuerisaasunilu misileraaffiusinnaasumi ineriartortitsisinnaaneq iluaqutigineqarluassammat.

Sermitsiaq.AG-mi nutaarsiassaq maana atuaruk