Namminersortoq Ludvig Andersen Rosing, Pukia El-mi piginnittoq ilisaritilaarusupparput.
Ludvig, siunnersornikuusatta ilagivaat aamma taanna Nalik Venturesimiit aningaasaliiffigineqarnikuuvoq. Looqi Qeqertalik Business Council aaqqissuussaanut assigiinngitsunut peqataallattaasarpoq, ilaatigut Iværksættercafértitsisoqartillugu tusarnaariatut peqataanikuuvoq, pikkorissaasoqartillugu pikkorissaqataanikuuvoq, suliffeqarfiutaalu aamma allaffitta nutarsarnerani suliaqartinnikuullutigu.
Looqi Qeqertalik Business Council pillugu imak oqaaseqarpoq:
‘’Namminersortutut aallartinninni Qeqertalik Business Councilimiik siunnersorneqarluartarpunga, sulisut oqaloqatikkuminartuupput aallartisartunullu isumassarsilluarnartunik siunnersuisinnaasarnertik ilisimaneqaatigivaat. Namminersortutut aallartilluni tapersersorneqartutut misigisitsinerat tikilluaqqusinerallu nukissamik tunisisarpoq.
Qeqertalik Business Council attaveqarfiginerani Nalik Venturesilu suleqatigiilluarnerat maluginiagassaavoq, periarfissanik assigiinngitsunik atorneqarsinnaasunik paasissutissinneqartarluni aqqutissiuunneqartarlunilu iluaqaaq.
Qanortoruna namminersulerusuttut aammalu aallartisarusuttut Qeqertalik Business Council atorluarilissuk ingerlalluarnissaminnullu aqqutissatut isigalugu.’’
Looqip suliffeqarfiutini ilisaritikkaa Facebookkitsinni aamma Youtube kanalitsinni ’Qeqertalik Business Council A/S’ ataani videorannguami takusinnaallugu nalunngiliuk?
Facebook: https://www.facebook.com/100065167562127/videos/388232823388857
