Nordamerika-mi angalatitsivinni sulisunit Diskobugtenimut soqutiginninneq annertooq.
Destination Diskobay-p Destination Manageria Ane Joelsen Siegstad siullermeerluni The Nordics North America Roadshow 2026-imi peqataavoq, ukioq manna Bostonimi, Los Angelesimi aamma Vancouverimi ingerlanneqartumi. Aaqqissuussinermi Kalaallit Nunaannit, Danmarkimit, Finlandimit, Islandimit, Norgemit, Sverigemit Savalimmiuniillu takornariaqarnermik suliaqartut ataatsimoorput, siunertaralugu Nordik nunatut angalaffissatut Nordamerika-mi niuerfimmi soqutigineqarnerulernissaa.
Roadshow-ip nalaani Destination Diskobay angalanissamut pilersaarusiortartut 22-nik naapitsivoq, taakkulu Diskobugtenimut soqutiginninnerat annertuvoq. Aaqqissuussinermi USA-p immikkoortuinit assigiinngitsuneersut katillugit 68-it peqataapput. Peqataanerup nutaanik attaveqalerfissamut kiisalu Nordamerika-mi angalanermik takornariaqarnermillu suliaqartartunik suleqatigiinnerup nukittorsarnissaanut periarfissatsialammik pilersitsivoq.
Peqataanermi siunertaavoq Diskobugtenip nittarsaannissaa kiisalu USA-mi Canadamilu angalatitsivinni sulisunik angalatitsisunillu attaveqalernissaq. Taakku Nordik nunanut angalanernik ineriartortitsillutillu tuniniaasarput. Ataatsimiinnerit aqqutigalugit Destination Diskobay sumiiffiup immikkut ittumik neqeroorutigisinnaasai saqqummiuppai – pinngortitarsuup alutornassusianit kulturinik naapitsinernut, kiisalu misigisassanut piviusunut piujuartitsinermillu tunngaveqartunut.
Kalaallit Nunaannut aammalu Diskobugt-imut soqutiginninneq annertusiartortoq.
Destination Manager Ane Joelsen Siegstad roadshow-imi peqataalluni Kalaallit Nunaannut Diskobugtenimullu soqutiginninneq annertusoq maluginiarpaa.
”Takornariaqarnermi piujuartitsineq kiisalu misigisassat piviusut immikkullu ittut angalatitsivinni sulisunit soqutigineqartorujussuuvoq. Ilulissani mittarfik nutaaq qanittukkut ammarpat, Diskobugtenimut soqutiginninnerup annertusiartornera malugisinnaavarput. Nordamerika-mi niuerfimmit pitsaasunik utertitsivigineqarpugut, neriuutigaaralu peqataasimanerput tikeraanik, takornariaqarnermik piujuartitsisumik kiisalu nunami maani misigisassanut piviusunut pingaartitsisunik, tikittussanik kajungilersitseqataasinnaassasoq,” Ane Joelsen Siegstad oqarpoq.
Roadshow-imi peqataaneq Nordamerika-mi Diskobugtenip ilisimaneqarnerulernissaanut kiisalu sumiiffimmi takornariaqarnermik ineriartortitsinissamut periarfissanik nutaanik pilersitsinissamut alloriarneruvoq pingaarutilik.
Destination Diskobay nunat avannarliit akornanni suleqatigiinnermut peqataasimanini nuannaarutigaa. Attaveqaatit nutaat pilersinneqartut malitseqartinnissaat qilanaaraa, siunertaralugu soqutiginninneq ukiuni aggersuni Diskobugtenimut tikeraarnerulernermik kinguneqarnissaa.