Qeqertalik Business Council Destination Diskobay peqatigalugu 2023-mut piujuartitsinermik suliaqarnissamut aningaasanik illuartitsisimapput. Inuussutissarsiutitigut siunnersuisoqatigiit pilersinneqaqqaarneraniilli tamanna suliaq aallartissimavoq, tamannalu ukiup tulliani annertusisamik ukkatarineqalissalluni.
Qeqertalik Business Council periusissatut pilersaarutaaniittut amerlasuut Piujuartitsilluni Ineriartortinnermi FN-ip Nunarsuarmi Anguniagaani 17-nini aallaaveqarput. Inuussutissarsiutitigut siunnersuisoqatigiit pilersinneqaqqaarneraniilli Nunarsuami Anguniakkat 17-nit pilersaarummut taputartuunneqarsimapput, taamaammallu tamanna inuussutissarsiornermi takornariaqarnermilu suliaqarnermi piujuartitsilluni inerisaanissaq annertuumik ukkatarineqarsimalluni.
“Aallarteqqaarnitsinniilli tamanna siunertarisimavarput, kommuunitsinnilu piujuartitsineq aallaavigalugu inerisaaneq pitutorsimaffigissallugu,” taama Gerth P Olsen, inuussutissarsiutitigut siunnersuisoqatigiit pisortaa oqarpoq, nangillunilu:
“Periusissiatut pilersaarutitsinni Nunarsuarmi Anguniakkat annertuumik isumassarsiorfiulluarsimapput, tassa taakkuupput kommuunitta iluani inuussutissarsiornikkut inerisaanermi sukarsuit pitsaalluinnartut.”
Nunarsuarmi Anguniakkat arfinillit sulinermut taputartuunneqartut
Ukiuni marlunni inuussutissarsiornikkut siunnersuisoqatigiit kiisalu takornariaqarnikkut aqutsisoqarfik peqatigalugu Nunarsuarmi Anguniakkat 17-nniusuni arfinillit sinaakkusiisimapput, suliffeqarfiup suliassaqarfianut attuumassuteqarluartut. Tassaallutik ataani allassimasut:
Qeqertalik Business Council nittartagaani Nunarsuarmi Anguniakkat ataasiakkaat itinerusumik allaaserineqarsimapput, matumanili eqqaaneqarsinnaapput piginnaasanik inerisaanermik pikkorissaanerit (Nunarsuarmi Anguniakkat 4), nunap immikkooruanik ersarissaanerit, allagartalersuinerit immikkuullarissutsillu (Nunarsuarmi Anguniagaq 9) aammalu niuernermut kattuffiup AECO piujuartitsinermik inerisaanermut tunngasunik suleqatigiinneq, takornariarluni umiarsuarnut community soecific guidelines suliarineri (Nunarsuarmi Anguniakkat 13) .
Sukannernerusumik suliniutit 2023
Inuussutissarsiutitigut siunnersuisoqatigiit sulinerata ukiut pingajussaani sukannernerusumik piujuartitsinermut suliaqarneq ukkatarineqarpoq. Tamanna pissaaq CSR-imik pikkorissaanikkut, tamannalu qulakkeerneqassaaq, kiisalu “qorsooqqinnerusumik” suliaqarnerulernissamut inuussutissarsiortunut kiisalu angallassisartunut siunnersuisarnikkut. Mingutsitinnginnerusumik illersorsinnaanerusumillu inuiaqatigiinnutllu piujuartitsinermik qulakkeerinnilluni inerisaanissamut aqqutissaq.
“Nunap immikkoortuani sumiiffipput ineriartorpoq, taamaattumik suliassatta ilagivaat inuiaqatigiinnut piujuartitsinermik nunamillu illersuisinnaaneq tapersersussallungu,” Gerth P Olsen taama oqarpoq, imalu naggaserluni:
“Taama ittumik anguniagaqarluni pisussaaffiliivoq, taamaammat annertuumik periarfissiivoq Nunarsuarmi Anguniakkat aallaavigalugit nunap immikkoortuani sumiiffitsinni inerisaanissamut.”